InicioRegionalO CONCELLO DE CAMPO LAMEIRO LEVA A CABO A RESTAURACIÓN DOS RESTOS...

O CONCELLO DE CAMPO LAMEIRO LEVA A CABO A RESTAURACIÓN DOS RESTOS DUN ANTIGO BALDAQUINO EN PEDRA DO SÉCULO XVI ATOPADO NA IGREXA DE SAN ISIDRO DE MONTES

O Concello de Campo Lameiro leva a cabo a restauración dos restos dun antigo baldaquino en pedra, datado nos anos 1520-1530, que foi descuberto polo cura párroco Fermín Santiago Iglesias na igrexa de San Isidro de Montes. Esta actuación conta cunha achega de 2.965,44 euros por parte da Deputación a través do seu programa de axudas para rehabilitar o patrimonio histórico e cultural en toda a provincia.

O achádego feito no ano 2021 por Fermín Santiago deixou a descuberta a calidade da labra de varios fragmentos dun baldaquino de pedra dunha feitura superior a outros exemplos conservados no propio concello como o da igrexa de San Cristovo de Couso, xa que se trata dun medio relevo bastante proporcionado, segundo manifestou a encargada do estudo histórico-artístico, Dolores Barral Ribadulla.

Así, segundo Barral Ribadulla estariamos ante uns fragmentos do Pecado Orixinal, do Martirio de San Sebastián e do Enterro de Cristo.

Dada a gran importancia do achádego, o Concello de Campo Lameiro en colaboración co cura párroco Fermín Santiago solicitou a colaboración económica da Deputación de Pontevedra a través do plan de rehabilitación e sinalización do patrimonio histórico e cultural para a recuperación e posta en valor destes elementos.

REHABILITACIÓN, A CARGO DA EMPRESA ESPECIALIZADA ÁRBORE

Os traballos de rehabilitación corren a cargo da empresa especializada Árbore Sociedade Cooperativa Galega a cal se atopa nestes momentos realizando os últimos retoques para que, posteriormente, esta peza poda quedar exposta e sexa visitable polos ferigreses e público en xeral na propia igrexa de San Isidro de Montes, en Campo Lameiro. Ademais, no exterior do templo haberá un cartel explicativo sobre as característisticas técnicas e artísticas desta peza singular que agora se recupera para a súa conservación.

Segundo manifestou o alcalde, Carlos Costa “é un motivo de satisfación ter conseguido a colaboración de todos os sectores implicados para recuperar unha peza en pedra dunha beleza extraordinaria e que forma parte do rico e variado patrimonio histórico, cultural e artístico que atesoura o noso concello e que temos a obriga non so de conservar nas mellores condicións posibles senón tamén divulgar e favorecer o seu estudio para ampliar o coñecemento sobre a nosa historia e o papel que xogaron os nosos ancestros na construción do noso país”, indicou o alcalde de Campo Lameiro.

Últimos artículos

El arzobispo de Toledo visita a las Hermanitas de los Ancianos Desamparados de Quintanar en el 150 aniversario de su fundación

Se ha celebrado una Eucaristía en la Residencia Ntra. Sra. del Rosario presidida por...

Inauterietako egitaraua – Eskoriatza

2023 / 01 / 27 16, ostegunaUrdelardero eguna 10:30/KaleanUrdelardero eguna: umeen ...

Quizá también te guste

El IRSST y AESPLA firman un convenio de colaboración en materia de PRL

El Instituto Regional de Seguridad y Salud en el Trabajo...

La Comunidad de Madrid presenta un proyecto de combustibles 100% renovables a partir de residuos para autobuses interurbanos

Dos vehículos recorren con este método diariamente trayectos regulares en la sierra madrileña, para...