InicioRegionalO ALCALDE DE CAMPO LAMEIRO LOGRA O COMPROMISO DE EDUCACIÓN DE ACOMETER...

O ALCALDE DE CAMPO LAMEIRO LOGRA O COMPROMISO DE EDUCACIÓN DE ACOMETER DE INMEDIATO OBRAS DE MELLORA E MANTEMENTO NO COLEXIO PEDRO ANTONIO CERVIÑO

O alcalde de Campo Lameiro, Carlos Costa, e a concelleira Nieves Boullosa mantiveron unha xuntanza de traballo co xefe territorial da Consellería de Cultura, Educación, Formación Profesional e Universidades, César Pérez Ares, no que abordaron as necesidades de infraestrutura relacionadas co colexio público “Pedro Antonio Cerviño” da localidade.

Froito desta xuntanza, o alcalde logrou o compromiso da Xefatura Provincial de Educación de acometer de inmediato unha serie de melloras no centro educativo que van desde o pintado de varias aulas e espazos do edificio ata o arranxo de persianas e xanelas, revisión do sistema de calefacción e substitución de radiadores, etc.

Para elo, na vindeira semana desprazarase ata o centro educativo unha comisión de técnicos encargados de avaliar todas as intervencións necesarias e ir dando os pasos sucesivos para que se acometan as obras de mellora o máis axiña posible.

Carlos Costa insistiu diante do xefe territorial da Consellería en Pontevedra na necesidade de acometer canto antes este tipo de actuacións orientadas a mellorar as infraestruturas e a habitabilidade CEIP “Pedro Antonio Cerviño” xa que presentan diversas deficiencias que deben ser acometidas canto antes.

Segundo manifestou o alcalde, Carlos Costa, á saída da xuntanza co xefe territorial “a educación e a formación dos nosos nenos e nenas é para nós unha cuestión prioritaria e irrenunciable polo que nos achegamos ata a Delegación da Xunta en Pontevedra para expoñer de xeito directo a urxente necesidade de acometer unha serie de intervencións para mellorar a confortabilidade e mesmo a conservación deste centro educativo. Cremos que non vai a haber problema xa que atopamos no xefe territorial, César Pérez Ares, a máxima comprensión e disposición a colaborar para que todas as necesidades que presenta o colexio e que recollimos da dirección do centro se van a ter en conta de xeito sucesivo inmediato”.

“Certo é que a Consellería ten moitos centros educativos que atender, pero nós defendemos a urxencia e a necesidade de que o CEIP de Campo Lameiro teña unha intervención especial e se acometan con urxencia os traballos comprometidos que van desde o pintado de varios espazos ata o combio de xanelas, varios arranxos na calefacción, etc. Para nós os nosos cativos e a súa educación son prioridade máxima e absoluta”, indicou o alcalde, Carlos Costa.

Últimos artículos

Tortolis ludoteka asteazkenean zabalduko da eta hiru egunez ate irekiak ospatuko ditu

2023 / 09 / 25 Tortolis ludotekak, irailaren 27an zabalduko ...

29 de Septiembre TALLER DE EMPLEABILIDAD

29 de Septiembre TALLER DE EMPLEABILIDAD | Ayuntamiento de Lardero Utilizamos cookies para asegurar...

Antonio Collado consigue la duodécima victoria tras KO y sigue invicto

A los dos minutos y veinte segundos del cuarto asalto Antonio Collado conseguía ese...

Quizá también te guste

29 de Septiembre TALLER DE EMPLEABILIDAD

29 de Septiembre TALLER DE EMPLEABILIDAD | Ayuntamiento de Lardero Utilizamos cookies para asegurar...

La Comunidad de Madrid renueva el convenio para la cesión de la oficina de empleo de Majadahonda

Además, por su ubicación en el Polígono El Carralero este recurso público resulta accesible...